Неготино се подготвува за организиран дочек на новата година. Градот се облекува во новогодишно руво, а од локалната самоуправа велат дека се прават последните подготовки за да се покажат како добри домаќини за сите што ќе се одлучат најлудата ноќ да ја поминат на плоштадот.
Предвидена е четири часовна забава, а за доброто расположение на присутните граѓани ќе се погрижат еминентни естрадни уметници. Свој настап ќе има еден од најпопуларните интерпретатори од Хрватска, Ален Славица, група Чардак и групата Деј Килд Кени.
Зачекорувањето во новата година ќе биде одбележано и со спектакуларен огномет.