Општина Кавадарци, во соработка со компанијата „Еко Текст Груп“, продолжува со реализација на редовните активности за организирано собирање и соодветно управување со текстилниот отпад на територијата на општината.
Во рамки на овие активности, екипите вршат редовно празнење и одржување на специјално поставените контејнери за текстил. Примарната цел на оваа акција е обезбедување правилен третман на стариот текстил и облека, зачувување на ресурсите и директно намалување на загадувањето на животната средина.
Од Општина Кавадарци упатуваат апел до сите граѓани за поголема еколошка свест и одговорно користење на поставените садови за селекција.
„Апелираме до сите граѓани совесно и правилно да ги користат контејнерите. Во садовите наменети за текстил да се одлага исклучиво текстилен отпад, а не комунален, градежен или друг вид отпад. Со одговорно однесување и правилна селекција, сите заедно придонесуваме за почиста, поздрава и поуредена животна средина“, истакнуваат од локалната самоуправа.
