Момчило Аврамовски припаѓа на постарата генерација на македонски академски уметници кои што сеуште се активни со потврден творечки континуитет. Солидната ликовна едукација и огромното искуство, познавањето на сликарските технологии како и хетерогениот интерес за сите гранки на ликовното делување го промовираат Аврамовски во автор со дела работени во повеќе медоуми: слики, цртежи, скулптури и графики. Со триесетина самостојни изложби и учество на повече од 100 групни изложби проекти и колонии Аврамовски сеуште добива покани за учество во Шпанија, Полска, Обединетите Арапски Емирати, Италија и други.
Концептот којшто го преферира Момчило Аврамовски во создавањето на графичките листови е комплексна визуелна цртаќка филозофија, градена на искуство и емпирија како и на желбата да се открие нешто ново во техничка смисла, да се направи фузија меѓу цртежот и графиката рече на отворањето на изложбата историчарот на уметноста Роберт Цветковски.
Генералната порака на Аврамовски е дека светот го толкува како квантно енергетско поле во кое што движењето и промената се вечни како и трансформацијата на материјата во енергија и обратно. Тој и синоќа им се обрати на просутните посакувајќи во својата седумдесета година да биде дел од заедничка излоќба на македонски графичари .
Мирјана Мукаетова