По повод светскиот ден на велосипедот, Општинскиот сојуз на училишни спортови Кавадарци организира масовен велосипедски собир низ улиците во Кавадарци под мотото „Велосипедот и јас сум дел од сообраќајот“.
Учениците од основните и средните училишта ќе возат низ улиците заедно со своите наставници и професори по физичко и здравствено воспитување.
Стартот е од 11 часот на спортските терени „Јасмин“. За учесниците во овој велосипедски собир е организирана и наградна игра, со главна награда – велосипед.