Општина Кавадарци воведе нова сообраќајна регулација на дел од градските улици, со која се овозможува поголема проточност и поефикасно одвивање на сообраќајот во градот.
Согласно изработениот и одобрен сообраќаен проект, на терен веќе се поставени соодветни сообраќајни знаци со кои дозволената брзина на движење се зголемува од 40 км/ч на 50 км/ч на следниве сообраќајници:
- Западен Булевар
- Улица „Шишка“
- Северен Булевар
Од локалната самоуправа информираат дека новата регулација е целосно усогласена со техничките и безбедносните услови на овие фреквентни сообраќајни артерии.
И покрај зголемениот лимит на брзината, од Општина Кавадарци апелираат до сите возачи на максимална внимателност во сообраќајот и задолжително почитување на новопоставената сообраќајна сигнализација.
