Од ноќеска на полноќ стапуваат на сила новите, повисоки цени на нафтените деривати, одлучи Регулаторната комисија за енергетика (РКЕ).
Според најновата одлука, цената на дизелот се зголемува и ќе се продава за 99,5 денари по литар. Поскапување има и кај останатите горива:
- ЕУРОСУПЕР БС – 95: 91,0 ден/лит
- ЕУРОСУПЕР БС – 98: 93,0 ден/лит
- ЕУРОДИЗЕЛ БС: 99,5 ден/лит
- Масло за домаќинство (EL): 98,5 ден/лит
- Мазут (М-1 NS): 46,4 ден/кг
Од РКЕ напоменуваат дека во денешната калкулација се пресметани намалените износи на акцизите — 2 денари по литар за бензините и 4 денари по литар за дизел горивото. Новите цени стапуваат на сила од 00:00 часот.