Во текот на вчерашниот ден (27.07.2026), во периодот од 17:00 до 22:00 часот, на територијата на целата држава беше спроведена засилена акциска контрола за санкционирање прекршоци што ги прават возачите на мотоцикли и лесни електрични возила. При контролата се регистрирани и санкционирани вкупно 178 возачи на мотоцикли.
Од нив, дури 156 возачи биле затекнати без заштитна кацига, додека 13 лица се лишени од слобода поради сторено кривично дело по член 297-а од Кривичниот законик. Сите 13 управувале мотоцикл без соодветна возачка дозвола. Дополнително, привремено се одземени пет мотоцикли поради истечена сообраќајна дозвола и предизвикување прекумерна бучава.
Во рамки на истата акција, санкционирани се и 11 возачи на лесни електрични возила, од кои петмина поради неносење рефлектирачки елек во услови на намалена видливост (член 103-г). Покрај ова, полициските службеници констатирале и 130 останати видови сообраќајни прекршоци.
Од Министерството за внатрешни работи најавуваат дека сообраќајните контроли продолжуваат со несмален интензитет и во наредните денови, со апел до сите учесници во сообраќајот за стриктно почитување на правилата и прописите заради поголема безбедност на патиштата.