Владините мерки за поддршка на туризмот даваат видливи резултати, со значаен пораст на бројот на странски гости и остварени ноќевања, порача премиерот Христијан Мицкоски.
Тој се повика на јунскиот извештај „Tourism Watch“ на Светска банка за 2026 година, во кој Македонија се најде на првото место во Европа според растот на странските туристички доаѓања.
„Забележуваме раст од 40 проценти во споредба со минатата година, што претставува големо признание за нас. Очекувам овој позитивен тренд да даде силен придонес и во економските показатели за вториот квартал“, истакна Мицкоски, додавајќи дека зголемениот интерес на странските посетители директно ја зајакнува домашната економија.