Одделението за внатрешни работи (ОВР) Кавадарци информира за три одделни инциденти регистрирани на подрачјето на општината изминатите 24 часа.
Малолетник физички нападнат пред угостителски објект
Ноќеска, на 1 октомври во 00:30 часот, 17-годишен малолетник во присуство на својот родител во ОВР Кавадарци пријавил дека бил физички нападнат во близина на угостителски објект во градот. Според пријавата, нападот го извршил 19-годишниот Д.А. од селото Сирково, општина Росоман, при што малолетникот се здобил со тешка телесна повреда. Полицијата презема мерки за целосно расчистување на настанот.
Сообраќајна несреќа кај с. Сопот: Настрада велосипедист, возачот побегнал
Претходниот ден, на 30 септември околу 09:00 часот, на локалниот пат меѓу селата Марена и Сопот се случила тешка сообраќајна несреќа. Возило удрило во велосипед управуван од 76-годишниот Б.А. од селото Марена, по што непознатиот возач го напуштил местото на настанот. Во несреќата велосипедистот се здобил со тешки телесни повреди, кои му биле констатирани во Општата болница во Кавадарци. Увидна екипа на ОВР Кавадарци извршила увид и интензивно се трага по возачот.
Приведен 29-годишник за кражба на паричник
Исто така на 30 септември, во 13:00 часот, полициски службеници од ОВР Кавадарци го лишиле од слобода Б.Б. (29) од Кавадарци. Тој се сомничи дека во близина на селото Возарци одзел паричник од патничко возило, сопственост на 24-годишна девојка од кавадаречко село. По целосно документирање на случајот, против него ќе биде поднесен соодветен поднесок.