ЖИТЕЛИТЕ НА КАМЕН ДОЛ ВЕКЕ ТРИ ДЕЦЕНИИ ЧЕКААТ НА РЕШАВАЊЕ НА ОВОЈ ПРОБЛЕМ.
По повеќе од три децении Општина Росоман започна со активности за санација и подобрување на каптажите за водоснабдување на с. Камен Дол.
Станува збор за исклучително тежок и комплициран терен, каде што работата бара големо внимание, искуство и добро познавање на самата локација.
Целта е јасна – подобро, постабилно и посигурно водоснабдување за жителите на Камен Дол.
Градоначалникот Ѓорѓи Крстевски упати голема благодарност до сите работници, стручни лица и жители кои се ангажирани и помагаат во целиот процес. Општина Росоман продолжува да ги решава проблемите кои со години чекале решение – чекор по чекор, населено место по населено место.