ВО АКТИВНОСТИТЕ КЕ БИДАТ ВКЛУЧЕНИ ВРАБОТЕНИ ВО ОПШТИНАТА И ЈПКД РОСОМАН А КЕ СЕ КОРИСТИ И ДРОНСКИ НАДЗОР.
Поради зголемениот ризик од појава на пожари, Општина Росоман од денеска започна со организирани патроли на целата територија на општината, со цел навремена превенција, брза детекција и спречување на евентуални пожари. Во активностите ќе бидат вклучени вработени од Општина Росоман и ЈПКД Росоман, а дополнително ќе се користи и дрон за надзор на локациите каде што постои зголемен ризик од појава или намерно подметнување на пожари.
Се апелира до сите граѓани да бидат совесни и одговорни. Секое намерно или несовесно предизвикување пожар ќе биде пријавено до надлежните институции и ќе биде санкционирано согласно законите. Заштитата на природата, земјоделските површини и имотот е заедничка одговорност на сите жители на Општина Росоман.