Утринава во близина на Дреново патничко возило излетало од патот. Случаен минувач пријавил во брзата помош, која веднаш пристигнала на местото на несреќата.„Возилото беше превртено, а возачот приклештен. Поради тоа интервенираше и противпожарната единица. Повредениот е извлечен и транспортиран во општа болница Кавадарци. Виталните функции беа сочувани. Во болницата се врши понтамошна дијагностика“ рече за КТВ, д-р Ратко Грков од Итната медицинска помош Кавадарци.
ОД ТППЕ Кавадарци бевме информирани дека интервенирале со петмина пожарникари, едно возило за техничка интервенција и возило за прва помош.
А.Д
