Вработени во Подрачното Одделение за Заштита и Спасување Кавадарци во соработка со Гранична Полиција “ЈУГ“ , самостоен инспектор по превенција Стојанчо Ѓорѓиев , вчера спроведоа акција за информирање на месното населени во ридско планинските села во општина Кавадарци за намалување на заканите од пожари. Оваа активност е дел од националната кампања која ја има истата цел, а започна да се спроведува на 15 јуни и ќе трае до 15 август.
Со вчерашната акција беа опфатени жителите на селата Бојанчиште, Куманичево, Конопиште, Горна и Долна Бошава, Крњево и Страгово.
Целта на кампањата е едукација на месното население со начини на превентивно делување се со цел намалување на Заканите од шумски пожари.
Активноста на Подрачното Одделение за Заштита и Спасување Кавадарци во соработка со Гранична Полиција “ЈУГ“ опфати делење на прирачникот за намалување на заканите од пожари, како и лепење на брендирани постери на видни места во ридско планинските села во општина Кавадарци.