Продолжува кампањата на МВР преку која граѓаните се едуцираат како да се заштитат од тешки кражби. Минатата недела едукативни флаери беа поделени на граѓани пред банки, пошта, продавници и слично, а денес акцијата продолжи и низ централното градско подрачје, Ја реализираа инспектори од отсекот за превенција при СВР Велес и полициска станица Кавадарци.
Им се апелираше на граѓаните како да се заштитат од тешки кражби во куќи и станови. Инспекторите за превенција преку непосредна средба со граѓаните, усмено и преку флаери советуваа и препорачаа како да се заштитиме и кои превентивни мерки да ги превземеме за да го заштитиме сопствениот дом кога излегуваме надвор за краток период или на подолго време . Кои се неопходните мерки кои треба превентивно да ги превземеме додека сме на одмор, на зимување и слично,а домот останува е празен и незаштитен. И минатата недела и денеска Полицијата потенцираше дека ваквите активности продолжуваат со цел да се подигне свеста кај граѓаните и да се намали пројот на провали и кражби.
Инаку во акцијата која беше реализирана денеска учествуваа и студенти од факултетите од областа на безбедноста во република Македонија.
М.М