За прв пат после педесет години вчера се слушна црковното ѕвоно во селото Брушани. Таму вчера беше осветувањето на ѕвоното и истото беше поставено на камбанаријата. Донација е од Блашко и Дивна Темови со нивната фамилија.
Жителите на селото Брушани, кое пред педесетина години е потопено поради изградбата на вештачката акомулација Тиквешко Езеро, на 2 март 2013 година ги поставија темелите на црквата Света Недела. Изградбата напредуваше мошне брзо. Иконостасот е целосно завршен, а од управата на црквата најавуваат дека во текот на летото истата ќе биде осветена.
Славата на овој храм се одбележува на празникот Света Недела на 20 јули.
A.Д