Во Скопје денеска по осми пат беа доделени награди за Најдобри Општествено Одговорни Практики на македонските претпријатија за 2014 година во организација на националното Координативно Тело за општествена одговорност на претпријатијата и Министерството за економија.
Како истакната и призната општествено одговорна компанија, традиционално со свои проекти во овој конкурс учествуваше и ФЕНИ Индустри АД, Кавадарци, и на денешното доделување се здоби со две признанија и тоа во категоријата „Етичко Управување“ за проектот за родова еднаквост со наслов „ФЕНИ не е царство на мажите“ и во категоријата „Вложување во Заедницата“ за проектот „Еко Квиз“ во чиј фокус беше еко-едукација која ги опфати сите петтоодделенци во Кавадарци.
Од компанијата го истакнаа своето задоволство за добивање на овие признанија, и најавија дека како и досега остануваат доследни на својата стратегија за општествена одговорност, која се одликува со континуирани и бројни проекти во сите сфери кои ја сочинуваат општесвената одговорност како целина, а која пак всушност за крајна цел има подобрување на квалитетот на живеење.