Македонија денеска го празнува 23 октомври –денот на македонската револуционерна борба. Формирањето на Внатрешно Македонската Револуционерна Организација значеше почеток на организираното македонско револуционерно движење кое преку Илинден 1903 и Крушевската република, преку НОВ резултира со создавање модерна самостојна македонска држава.
Денеска празникот се чествуваше и во Кавадарци. На спомен плочата која сведочи за формирањето на првиот месен комитет на ВМОРО во Македонија, токму во Кавадарци, по солунскиот, свежо цвеќе положија делегации од ОК на ВМРО-ДПМНЕ Кавадарци, Здружението на пензионери и Сојузот на борци.
Претседателката на ОК на ВМРО-ДПМНЕ Кавадарци, Горица Пеливанова-Вилхелм упати честитка до сите македонски граѓани.
Синоќа во организација на УМС на ВМРО-ДПМНЕ Кавадарци се одржа трибина на тема:„Зачетоците на македонското револуционерно движење и улогата на тиквешката околија“. Пред присутните на оваа тема говореше директорот на музеј галерија Кавадарци, Петре Камчевски.
А.Д