Приватната компанија „Кожувчанка“ како општествено одговорна компанија ги продолжува хуманите активности во општеството. Со донација од три илјади евра помогна да се изврши целосна замена на вратите и прозорците на објектот за вакцинации што работи во склоп на ЈЗУ Здравствен дом Кавадарци. Објектот е изграден пред песет години и беше неопходно да се подобрат условите за работа како на персоналот, така и дечињата да бидат соодветно примени.
„Тука доаѓаа нашите најмили и најмлади. Сега благодарение на човекот со големо срце и хуманист Митко Јанчев и неговата компанија „Кожувчанка“ ги подобривме условите за работа на вакциналниот оддел“ рече директорот на Здравствен дом, д-р Никиола Трендафилов и искажа голема благодарност за донацијата.
Сопственикот на „Кожувчанка“, Митко Јанчев вели дека и во иднина компанијата ќе донира за подобрување на условите за живот во општеството.
„Ќе продлжиме со хумани гестови од нашата компанија во рамки на нашите можности. По барање на директорот, Д-р Трендафилов, определивме промена на прозорци и врати и сметам дека ќе има далеку подобри услоиви за функционирање на овој објект. Вреноста на оваа донација е околу 3000 евра“ рече Јанчев.
Во ЈЗУ Здравствен дом ќе продолжи да се реализира и втора фаза за реконструкција на објектите. И градоначалникот Александар Панов најави финансиска помош за реконструкција на одделот за брза помош.
Ангел Данов