По повод Денот на пензионерите, во салата на Центарот за култура „Ацо Ѓорчев“ – Неготино, денеска во Неготино се одржа манифестацијата „Пензионерите пеат“ на која присуствуваа околу 300 пензионери од вкупно 12 здруженија од сите краеви на Македонија.

Гостуваа здруженија на пензионери од Велес, Кавадарци, Валандово, Гевгелија, Богданци, Нов Дојран, Битола, Прилеп, Штип и Радовиш.

Петар Захарчев, претседател на здружението на пензионери „Неготино“ нагласува дека оваа манифестација им станува се’ позначајна поради одличната дружба што ја остваруваат.

Главен покровител на овој мини-концерт е Центарот за култура „Ацо Ѓорчев“. Директорката на културниот центар потенцира дека соработката со здружението на пензионери од Неготино е повеќегодишна и дека таа е задоволна.

„Пензионерите пеат“ се одржува 5 пати годишно во организација на десет пензионерски здруженија, така што секое здружение е домаќин на манифестацијата еднаш во две години. Овој пат домаќин е Неготино.

Додади коментар

▼