Министерот за економија Фтмир Битиќи денеска го посети комбинатот за производство на феро никел во Кавадарци, Еуроникел инфдустри, од каде изјави дека извозот на фероникелот дава додадена вредност на македонската економија. Посочи дека оваа компанија е меѓу ретките кои успешно работи и во време на корона кризата.
“Оваа компанија е еден од најголемите работодавачи во Кавадарци и регионот, со околу 1000 вработени лица, која соработува со околу 70-80 транспортни компании од овој регион, ги поседува и сите еколошки дозволи за работа, а е четврта по вредност на извезени производи, со околу 166 милиони евра извоз во 2019 година, и деветта по вредност во остварени приходи во земјата (169,5 милиони евра). Целосно извозно ориентирана компанија, а дополнително е важно што производот кој го извезуваат, тоа е феро-никелот, дава дополнителна, додадена вредност на нашата економија, односно има нето додадена вредност на направениот извоз. И оваа година, и покрај економската криза во целиот свет, успеале да го одржат речиси на исто ниво и производството, и извозот и бројот на вработени. Тоа е добро за локалната економија, за сите вработени, но и генерално за економијата на Северна Македонија, посебно во ова време на светска криза”, истакна заменик-претседателот на Владата задолжен за економски прашања, координација на економските ресори и инвестиции, Фатмир Битиќи.
Директорот на „Еуроникел индустри“, Герасим Кујунџиев информира дека и во време на кризата бележат зголемено производство.
„ Кај нас нема намалување на обемот на работа, ниту кратење на вработени или плати, но секако ова е постигнато со енромни напори на сите засегнати страни, од инвеститорите до работниците. Сепак предизвиците се големи при што најзначајна и најпотребна е поддршката од институциите и државните органи да излезат пресрет на приватниот сектор со редовно и доследно исполнување на обврските, затоа што нашиот придонес кон домашната економија е значаен во секој поглед“ истакна Кујунџиев.
Од компанијата нагласуваат дека паралелно со спроведувањето на инвестициските планови и развојот на комбинатот, менаџментот на Еуроникел Индустри подеднакво внимание посветува на вработените создавајќи поволна работна атмосфера, подигнување на стандардот на квалитетот на живот на вработените и професионална перспектива. Истовремено Еуроникел Индустри е поддржувач на локалната заедница преку бројни општествено одговорни активности.
Ангел Данов
Додади коментар