Со многу импресии и големо задоволство се врати од гостувањето во Словенија џаламарската група од селото Ресава. Тие имаа успешно претставување на големиот карневал во Птуј пред 50 илјадна публика. Се работи за голем традиционален карневал каде има учесници од многу земји.

Петнаесет члената џаламарска група имаше успешни настапи и на помалите карневали во градовите Шоштањ и Мозирје.

„И ова беше уште едно големо искуство за нас. За претставување на нашите традиции. Остаривме многу контакти. Публиката беше задоволна од нашиот настап. Ни се отвораат вратите и за други меѓународни настапи“ велат од џаламарската група на селото Ресава и нагласуваат дека следен настап ќе имаат на карневали во Австрија и Србија.

А.Д

Додади коментар

▼