Градоначалникот на Кавадарци Александар Панов денес ја најави реконструкцијата на патот кој од висорамнината Витачево води до најпознатиот рудник од Македонија во светски рамки, Алшар.

-Уште лани се започна со санација на патот Кавадарци Мушов гроб, но изведувачот на работите беше несовесен па не ги почитуваше роковите за изведба. Тоа беше причината агенцијата за државни патишта да го раскине договорот за ангажман. Годинава тендерот го доби градежната компанија “Гранит”, договорот за работа е потпишан и очекуваме во најскоро време работите да почнат па проблемот набргу да биде решен. Ќе се интервенира и на патот од селото Страгово преку Ладно долче до селото Крњево, кажа градоначалникот.
Изминатава зима локалната самоуправа со неколку локални компании го одржувала патот за да биде во состојба во која по него ќе можат да се движат сите оние кои се заинтересирани да одат кон планината Кожуф.

С.Д.

Додади коментар

▼