Кавадарци ќе гради три фонтани во чест на Сашко Гешовски, првата жртва при распадот на Југославија. Како што информираат од општината овие активности се дел од општинската програма за одбележување на значајни настани и истакнати личности.
Веќе е објавен конкурс за изработка на идеен проект на фонтани на кружниот тек во Кавадарци кај новата автобуска станица.
Претседателката на одборот за подигање на спомен обележјето, Весела Честоева вели дека идејниот проект треба да биде со симболика за животот на Сашко Гешовски, неговата младост. Овој проект треба естетски да го збогати кружниот тек.
Вкупната сума предвидена за реализација на овој проект е три милиони и двеста илјади денари со ДДВ, со вклучен надомест за награди. Вкупниот фонд на награди изнесува сто илјади денари. Педесет илјади денари за прва награда, 25 илјади за втора и 15 илјади за трета, а десет илјади денари ќе се распределат на другите учесници кои ги исполнуваат условите.
Конкурсот трае до шести ноември 2023.
А.Д
Додади коментар