Желбата на учениците од најстарото основно училиште во Кавадарци, „Страшо Пинџур“ за изведување на настава по физичко воспитување во спортска сала,  конечно ќе се исполни.  Градоначалникот Митко Јанчев кој  беше на увид во изградбата на спортската сала констатира дека градежните работи се одвиваат според планот и дека од септември салата може да биде во функција.

„Најстарото основно училиште добива спортска сала. После 50 години ова училиште ќе има спортски објект,  кој е од големо значење за физичко воспитување на децата. Морам да спомнам дека со слух на владата и МОН  успеавме во програма да се стави оваа спортска сала. Очекуваме да биде готова со стартот на учебната година. Конструкција е завршена. 24 милиони денари се инвестиција на владата за внатрешно уредување. Останува уште да се изгради спортската сала во ООУ „Димката Ангелов Габерот“ во Ваташа. Оваа сала треба да биде завршена во тековната година. Со тоа ќе немаме училиште без спортска сала“ изјави за КТВ градоначалникот Јанчев.  

Училиштата во општина Кавадарци го користат летниот распуст да се завршат планираните реконструкции и од септември без проблеми да стартува новата учебна година. Градоначалникот Јанчев е дециден дека сите услови ќе бидат исполнети наставата да се изведува со физичко присуство.

А.Д

Додади коментар

▼