Честитка по повод денот на македонската револуционерна борба од градоначалникот Панов

Денот на македонската револуционерна борба 23 Октомври е празнување на идејата за самостојна и независна Република Македонија. Овој ден е симбол на непокор, патриотизам и правда. Овој ден е паметник за шестемина македонски патриоти кои се здружија со визијата за слободна Македонија.

Вечно ќе ги славиме и ќе се сеќаваме на хероите, Хаџи-Николов, Поп-Арсов, Груев, Татарчев, Димитров и Батанџиев.

Тие го поставија стожерот за освестување на македонскиот народ, дека борбата што ја води треба да биде само негова, а не да гине во туѓи војски за туѓи интереси на сопствената земја.

Нивниот пат, го продолжија илинденците и асномците остваруваjќи го вековниот стремеж за сопствена, суверена и демократска држава.

Денсека кога сме свои на парче од своето, треба да бидеме мудри и да опстоиме на принципите на македонската револуционерна борба, а воедно и храбри во делата и одлуките во нашата мисија за создавање на просперитетна и европска Македонија.

Нека ни е вечен Денот на македонската револуционерна борба!

Да живее Република Македонија!“ - стои на крајот во честитката од градоначалникот на Кавадарци, Александар Панов.