Дарко Недев два дена со навивачите и светиот крст собираат финансиски средства за операцијата на Драгана Малкиќ. Потрени и се 10 илјади евра. 

„ Наместо да одам по куќите на граѓаните и парите да ги ставам в џеб, се одлучив на оваа можност, кој сака да го допре крстот да донира колку сака , а така сите пари ќе ги наменам за ова хуманитарна активност, која нема да можев сам да ја организирам. Многу ми помогна навивачката група Лозари-Исток, чиј член сум и јас. Тие ми се голема поддршка, и всушност и ми го дадоа предлогот“ вели младиот кавадарчанец и додава дека е побарана дозвола од црквата да можат со богојавленскиот крст да соберат уште некој денар.

Вчера на плоштадот во Кавадарци беше поставен и штанд. Собрани се 1300 евра.

И покрај задоволството од огромниот одзив, од навивачката група Лозари информираат дека и во наредниот период ќе продолжат со хуманитарната акција се со цел што побрзо да се соберат уште 5000 евра кои се потребни за операцијата на Малкиќ.

А.Д