Благодетот од обилните есенски врнежи  почна да се преточува во производство на електрична енергија деновиве со стартот на работата  на  Хидроелектричната централа „Тиквеш“  . Поволната хидролошка состојба што најдобро се отсликува со податокот дека моменталната кота на нивото на акумулацијата „Тиквешко Езеро изнесува 259,38 што е многу малку до максималната кота до прелив кој изнесува 265 .

Според изјавата на директорот Звонко Бошков  во Хидроелектричната централа „Тиквеш“ дневно се произведува  1800 мегават часови електрична енергија. За месец октомври планирано е вкупно производство од 11500 мегават часови а само за седум дена ,заклучно со вчерашниот ден произведени се 6 200 мегават часови или 54отсто од месечното производство што секако се оценува како многу позитивно. Во акумулацијата  има вода за производство на 46 400 мегават часови електрична енергија  вели Бошков  што дава за права да се очекува успешно остварување на планските предвидувања за производство на електрична енергија. 

Она што вреди да се спомене е дека во ХЕЦ Тиквеш успешно се завршени ремонтните активности кои се спроведени со сопствени ресурси што ќе  да овозможи да нема застои во работата.

M.Mукаетова

Додади коментар

▼