62 - годишна жена од Кавадарци вчера во 10.40 часот во ОВР Кавадарци, пријавила дека била измамена од едно лице за сума од 12.000 денари.

Според пријавеното, лицето ѝ се јавило, се преставило дека е Јавен обвинител од Скопје и дека против нејзиниот син наводно се водела судска постапка. Како што е пријавено, лицето и побарало 300 евра за да му помогне на нејзиниот син во судски процес, а откако му кажала дека ја има само наведената сума лицето се согласило и побарало парите да му ги пушти по такси возило во Гевгелија, по што го прекинал контактот со неа. Се работи на расчистување на случајот и по целосно документирање ќе следи соодветна пријава - информираат од СВР Велес.

Додади коментар

▼