Технолошка вода ќе се обезбедува од бунари во Кавадарци

Општина Кавадарци ќе искористи бунари за обезбедување на технолошка вода во градот, најави градоначалникот Митко Јанчев.

-Јавното преторијатие “Комуналец” годинава издвои три милиони денари буџет. Веќе се бушат два бунара фи триста под новото тениско игралиште. Очекуваме тие да дадат 30-40 литри во секунда со кои со вода за наводнување би се обезбедил новиот дел на градот. За градскиот парк исто така обезбедивме бунарска вода, рече Јанчев.

Ќе се провери и издашноста на вода од бунар во строгиот центар на градот, за да се обезбеди вода за наводнување за паркот Полјана.

-Сево ова е не само да заштедиме вода за пиење, туку и од еколошки причини, нагласи градоначалникот.

С.Д