Се развива меѓубиблиотечната соработка што во рамки на своето работење започна да ја применува градската библиотека Феткин Кавадарци. Во тоа име денеска беше организирана и првата средба за поблиско запознавање во кавадаречката библиотека со Градската библиотека Браќа Миладиновци од Скопје.

Оваа меѓубиблиотечна соработка е веќе воспоставена, но денешната средба во Кавадарци е првиот чекор кон заеднички проекти и активности вели за КТВ директорката на Феткин, Трајанка Атанасова. Претставниците на градската библиотека Браќа Миладиновци од Скопје се всушност нејзини вработени кој пред вработените во кавадаречката библиотека ги презентираа своите активности.

Фондот на книги, разновидноста на литература, членството по оддели и активности реализирани со соработниците.Следен чекор по денешната средба во Кавадарци е нашето гостување во Браќа Миладиновци  каде ние ќе ги презентираме нашите активности и воопшто функционирањето на градската библиотека Феткин, додава Атанасова.

М.М

Додади коментар

▼