По повод  светската и национална  манифестацијата  „Недела  на безбедност на  децата во сообраќајот“,  Општинскиот совет за безбедност на соораќајот Кавадарци  и  полициската станица  се вклучија во истата со едукативни предавања  на децата од  градинката „Рада Поцева“.

Мотото на активноста е  „Да ги заштитиме децата во сообраќајот“, а целта е едуцирање на децата од најмала возраст , односно изучување на елементарните сообраќајни правила со цел подготовка  на децата за  нивно по безбедно учество во сообраќајот.

 Денеска беа посетени дечињата од  Ваташката градинка при што за сообраќајните правила, и потребата да се учат истите,   им зборуваше членот на советот  Горан Ристиќ , инспектор по сообраќај. 

На крајот од  часот наменет за  сообраќајна едукација на децата кој се одржа во дворот на градинката  на секое дете  им беше поделен  Прирачник по сообраќај;  Правила за малите пешаци  кој преставува убав дидактички учебник прилагоден за возраста на децата.

Да напоменеме дека  автори на овој прирачник се воспитачки од градинката „Рада Поцева“ и истиот ќе го добијат сите деца  кои посетуват градинка, ни изјави претседателот на ОСБСП Љупчо Лазов.

Додади коментар

▼