Oд ОК на ВМРО-ДПМНЕ Кавадарци информираат дека после добиените реакции од граѓаните за покачување на надоместокот за износ на смет, Советничката група на ВМРО-ДПМНЕ поднела иницијатива до Советот на Општина Кавадарци за донесување на одлука за изменување и дополнување на одлуката за висината на цените за собирање и транспортирање на комунален отпад.
Всушност Советничката група на ВМРО-ДПМНЕ предлага поништување на донесената вчерашна одлука за зголемување на цените за собирање и транспортирање на комунален отпад - се вели во известувањето од ОК на ВМРО-ДПМНЕ Кавадарци.
Инаку одлука за покачување на надоместокот за износ и транспорт на смет советот со 11 гласа „за“ и 7 „воздржани“ ја донесе на последната седница. Во неа стои наместо 1.1 ден за м2 да се плаќа по 2 денари. Воздржано гласаше дел од советничката група на СДСМ.
Додади коментар