Владиниот портпарол Александар Ѓорѓиев истакна дека со новата ИПАРД Програма предвидено е финансирање на фризерски салони, игротеки и градинки со цел подобрување на квалитетот за живот во руралните средини. Главниот фокус е насочен кон отварање на нови работни места. Ќе бидат кофинансирани проекти за изградба или реновирање на мали капацитети за производство на храна, откупни центри за шумски производи, поддршка за занаетчиството во руралните средини и сервисирање машински прстени. Овие средства може да ги користат физичките лица кои ќе се фокусираат на занаетчиството, услужните дејности, трговските друштва и земјоделски стопанства раководени од физичко или правно лице.
За стекнување на правото на користење на овие средства заинтересираните лица треба да достават барање до Агенцијата за финансиска поддршка на земјоделството и руралниот развој со образложение за планираниот проект. Огласот ќе биде објавен во текот на оваа недела и граѓаните ќе може да аплицираат во рок од 45 дена од денот на објавувањето.
Додади коментар