Интензивно се работи на реновирање во дел од работниот објект Детелинка на детската градинка Рада Поцева.Убавото време во октомври се искористи за уредување на фасадата, терасите, поставувањето на новите клупи и промената на плочките. Сега во почетокот од ноември се финишираат овие неколку зафати информира директорката Снежана Ганчева.

Се работи со цел да се заштеди енергија, но и да се обноват терасите и клупите каде дечињата ги обавуваат слободните активности од својот престој во градинка. Средствата ги обезбедува градинката, а она што се гради и реновира треба да се чува апелира Ганчева. Овој апел е по инцидентот кој се случил пред неполна недела, а во кој со чекан бил уништен или срушен дел од терасата и клупите. Веднаш реагиравме и ги саниравме штетите, но овој чин е за осудување вели директорката на кавадаречката градинка. Ова не е прв пат вандализам да се сличува во дворот на детската градинка Рада Поцева.

Нашата камера неколку пати сведочеше за вандали низ објектите на градинката без разлика дали станува збор за уништување на детските реквизите, клупите или пишување графити низ фасадите. Често градинката е мета на несовесните што место да го чуваат катчето за забава на нашите најмили тие го уништуваат. Апелот и овој пат е јасен, она што се гради, реновира и дополнува треба да се чува. Во модерно време на живеење, грев е да им ја уништуваме радоста на децата од градинка.

М.М

Додади коментар

▼