Оперативата на ангажираната фирма „Градба промет“ работи на поплочување на последната неурбанизирана делница од ул.„Браќа Џунови“ - информираат од локалната самоуправа.

 

Во текот на вчерашниот ден  се поставуваа рабници за формирање на улицата, согласно проектот на делницата од мостот „Слога“ до постојниот асфалт на влезот во „Кадрово маало“. Овде во должина од 85 метри ќе се поплочува со бехатон коцки.

 

 

Со овој зафат општината ќе санира значаен дел од улицата кој со години беше слепо црево на левиот брег од реката „Луда Мара“.

Проектот е на барање на жителите од овој дел на Кавадарци, кои со децении наназад бараaт од општината да им урбанизира пристап до ул.„Слога“ една од клучните сообраќајници во градот.