Се наближува сезоната на грип

Сите субјекти треба да се подготуваат за сезоната на грип и да превземат соодветни мерки за превенција, рече денеска раководителот на секторот за превентивна здравствена заштита при Министерството за здравство, Јадранка Костовска.

Министерството за здравство препорачува децата кои имаат симптоми на болест да не одат во училиште, да се лекуваат во домашни услови за да се спречи ширење на инфекција во училиштата.

Сите ризични групи (постари лица над 60 години, хронично болните, децата од шест месеци до 5 години, бремени жени и здравствени работници) кога ќе почне вакцинацијата против грип (од 10 до 15 октомври) веднаш да се вакцинираат и навреме да си го заштитат здравјето.

Таа најави дека вакцините од Глаксо Смит Клајн, кои се тритипни, треба да пристигнат на почетокот на октомври, а се очекува да се набават над 30.000 дози.

- Се препорачува децата да внимаваат повеќе на личната хигиена, да мијат раце пред консумација на храна, по одење во тоалет, да пијат вода од соодветен сад, а не од рака. Доколку некое дете кашла, кива, има температура, не се чувствува добро, треба да се пријави на класниот раководител. Се препорачува децата да јадат здрава храна, овошје, зеленчук, витамини и да избегнуваат консумација на брза храна, рече Костовска.

Таа нагласи дека никогаше не може точно да се предвиди кој тип вирус ќе циркулира.