СДСМ одговори на обвинувањата од ВМРО-ДПМНЕ: Ако имате докази, доставете ги до обвинителството

„О.К на ВМРО ДПМНЕ Кавадарци на вчерашната прес конференција изнесе еден куп неосновани и лажни обвиненија. Доколку О.К на ВМРО- ДПМНЕ Кавадарци има било какви докази за наводните притисоци, закани, уцени и лажните претставувања од страна на наши членови, веднаш истите да ги достави до Основното јавно обвинителство. Меѓутоа докази не доставувате, бидејќи очигледно истите ги немате. Ова се само празни зборови и обвинувања за политичко профитирање од страна на ВМРО-ДПМНЕ “ беше речено на денешната прес конференција на ОО на СДСМ Кавадарци на која одговорија на обвинувањата изнесени од ОК на ВМРО-ДПМНЕ на вчерашната прес конференција.

(интегрален текст)

Слушнавме во минатото чии функционери вршеле притисок врз граѓаните. Чии функционери вршеа терор над македонскиот граѓанин за време на избори. Тоа се вашите поранешни функционери, кои токму поради таквотонивно однесување , денес се водат бројни постпки пред судовите.

На ова референдумско изјаснување единствено вие како политичка партија вршевте перманентен притисок врз вашите членови, кои сакаа да го искористат своето демократско право да гласаат на референдумот. Им се заканувавте велеќи им дека ќе ги исклучите од партијата, а кога ќе се вратите на власт истите ќе ги бркате и од работа. Им се заканувавте дека ќе им го уништите животот на тие луѓе, кој патем се ваши членови.

На јавноста и јасно што сака ВМРО-ДПМНЕ. На јавноста и е веќе одамна јасно дека стратешки интерес на ВМРО-ДПМНЕ не се ЕУ и НАТО. Стратешки интерес на ВМРО-ДПМНЕ е амнестија на претходното криминално раководство.

Почитувани колеги од ВМРО-ДПМНЕ.

Ја ризикувате иднината на Македонија, само за да ги спасите криминалците од претходното раководство.

Неодговорното и незрело однесување на ВМРО-ДПМНЕ ја турка Македонија назад во изолација и поделби.

На 30-ти септември граѓаните на Македонија јасно кажаа во кој правец сакаат да се движи државата. 610.000 граѓани на референдумот кажаа дека сакаат да ја видат Македонија дел од НАТО И ЕУ.

Пратениците оваа волја на граѓаните мораат да ја почитуваат, без разлика на која политичка партија припаѓаат.

Нема да дозволиме Македонија да влезе во слепа улица.

Нема да дозволиме Македонија да биде изолирана држава.

Ќе им обезбедиме на нашите граѓани европска иднина.