(интегрален текст од соопштението на ОО СДСМ Кавадарци )
Ништо не е променето во функционирањето на ВМРО-ДПМНЕ.
Имено ВМРО-ДПМНЕ и понатаму останува заробено во својата режимска матрица.
Матрица во која грубо се кршеше Изборниот закон, со закани, поткупи, фалсификување на лични карти и сл. Имено и поранешниот градоначалник на општина Кавадарци беше фатен во поткуп на гласови на изборите во 2016 година.
Денес истата таа матрица продолжува и понатаму да функционира во ВМРО-ДПМНЕ.
Имено во текот на вчерашниот ден се поднесени кривични пријави за лица, активисти на ВМРО-ДПМНЕ, кои по налог на партијата и нејзиното раководство, ги сликале избирачките списоци, со цел да се врши притисок врз граѓаните кои не излегле да гласаат, со што грубо го кршеле Изборниот закон.
Наместо со програма, со решенија за проблемите на граѓаните, ВМРО-ДПМНЕ од Кавадарци се занимава со изборни измами, со притисоци врз граѓаните на денот на изборите.
Таа политика на ВМРО-ДПМНЕ беше поразена на изборите на 15-ти јули.
Со ваков силеџиски однос, со ваков силеџиски пристап кон граѓаните, ВМРО-ДПМНЕ уште долго време ќе остане таму каде што е денес. Во опозиција.
Додади коментар