Во изминативе два месеци интензивно се работеше на реновирање на објектите на Здравствен дом Кавадарци. Заменаети се со нови , покривите на повеќе објекти кои се дел оваа установа. Целосно се отстранија азбесните плочи со кои беа покриени. Покрај тоа што објектите добија подобар изглед истите станаа и целосно функционални.
Вакво посериозно реновирање се случува за прв пат по педесет години од кога биле изградени овие објекти рече директорот на Здравствен дом, д-р Никола Трендафилов.
„Привршува реновирањето. Потрошени се 2,5 милиони денари, средства од големиот проект на државата за реконструкција на здравствените домови во земјава. Сменета е кровната конструкција на објектот на спортска медицина, детскиот диспанзер, одноно објектит кај што се вршат систематските прегледи и вакцини. Потоа покривот на објектот во кој се сместени приватните концесионери педијатри и лекари по училишна медицина и еден дел од брза помош и службата за детска стоматологија. Исто така реконструирани се фасадите на овие објекти и се варосуваше внатрешноста на истите“ рече д-р Трендафилов.
Според него реконструкцијата е мошне значајна, како за пациентите така и за вработените, бидејќи функционалноста на овие објекти е на многу повисок степен. Претходно многу од објектите за време на дожд прокиснувале. Сега со промената и на прозорците се постигнала енергетска ефикасност.
Директорот е оптимист дека до крајот на 2014 година Кавадарци ќе добие целосно реконструиран Здравствен дом.
Ангел Данов
Додади коментар