Прочистувачи на воздух добија и гимназијата и СОЗШУ во Кавадарци
27-02-2019 РЕГИОН

 

 

 

35 прочистувачи со вредност од 25 илјади евра денеска донираше компанијата Блуер за гимназијата „Добри Даскалов“ и СОЗШУ „Ѓорче Петров“ во Кавадарци. Со оваа донација и претходната, просториите во образовните институции во Кавадарци се целосно обезбедени со апарати кои го прочистуваат загадениот воздух.

 

Градоначалникот Митко Јанчев рече дека се создадени услови за учениците да претстојуваат во простории каде ќе има чист воздух во текот на наставата.

 

 

Благодарност за донацијата искажаа директорите на двете средни училишта, Невенка Поп-Ангелова и Горан Велковски.

 

Од компанијата Блу ер, што ги донира прочистувачите нагласуваат дека станува збор за паметни уреди кои вршат квалитетно прочистување на воздухот.

 

A.Д

 



Share

Додади коментар