Промовирана планинарска патека во Неготино

Денес во Неготино беше промовирана планинарска патека која од овој град преку Витачево води кон планината Кожуф. Планинарската патека ја обележуваа планинарите од планинарското друштво Стенае од овој град.

-Проектот е во организација на вардарскиот плански регион и Одделението за локален економски развој при неготинската локална самоуправа. Во рамките на проектот поставивме инфо табли во градот и пред планинарскиот дом во Горни Дисан. Истовремено патеката ја обележавме со ознаки во боја, патокази и столбови, информираше планинарот Александар Василевски од Стенае.

Тој нагласи дека целта е полесен пристап до природните убавини кои ги нуди Тиквешијата со цел во недопрената природа да уживаат што поголем број на љубители на здравата животна средина.

-Истовремено ова значи промоција на планинарењето како здрав начин на живот, нагласи Василевски.

С.Д