(интегрален текст од соопштението на „Напредни лозари“) Овој состанок беше инициран со писмено барање од РЗ „Напредни Лозари“ пред две недели и во истото беа доставени барања за решавање на клучните проблеми на лозарите кои исто така јавно ги објавивме.

 

 

Делегацијата од МЗШВ ја предводеше Трајан Димковски, а беа присутни и Директорот на Агенцијата за финансиска поддршка во земјоделството и руралниот развој, Никица Бачовски, раководителот на ПЕ на МЗШВ за Кавадарци, Митко Керов и други советници од МЗШВ.

Претставниците од МЗШВ сериозно ги имаат разгледано сите наши барања и се заложија за нивно решавање.

 

 

Од наша страна е потенцирано дека конечните решенија не смеат да ги дочекаат летните месеци јули и август. Истите треба да бидат завршени најдоцна до јуни.

Општ Заклучок од состанокот е дека со овој состанок е отпочнат процес за решавање на наведените проблеми и за истото е потребно време кое не треба да биде подолго од два до три месеци од денес, што значи најдоцна некаде до половината на јуни да се имаат решенијата.

На состанокот се дискутираше одделно по секое наше барање и дополнително за уште неколку проблеми надвор од барањата.

За оваа година ќе се бараат нови, драстично повисоки откупни цени на грозјето. Во законот за вино ќе бидат внесени и со истиот гарантирани дел од нашите барања.

 

 

Во врска со неисплатените субвенции, Директорот на Агенцијата за финансиска поддршка во земјоделството и руралниот развој, Никица Бачовски не информираше дека субвенции не им се исплатени на многу мал број производители, пред се на лица кај кои не се совпаѓаат пријавените со реалните површини на лозови насади а разликите се од 10 до 100%, што е утврдено од страна на надлежните од МЗШВ. Истите сеуште се процесуираат.

 

 

Димковски нé информираше дека е усвоена одлука за исплата на пријавените штети на лозовите насади од пролетниот мраз во 2016 година. Обесштетувањето ќе се изврши многу бргу - стои во соопштението од „Напредни лозари“.