Претседателот Иванов денеска во Кавадарци. Започнува „Спортски Бон Тон“

Претседателот на Република Македонија Ѓорге Иванов како покровител на проектот „Социјална и етничка интеграција преку спортот (Спортски Бон-Тон)“, денеска ќе присуствува на спортско-културната манифестација која ќе се одржи во општина Кавадарци.

Проектот „Социјална и етничка интеграција преку спортот (Спортски Бон-Тон)“ има за цел промовирање на спортот како општествена активност преку која со игра, забава и дружење на децата и младите од различна етничка припадност се зацрврстуваат меѓуетничките односи во Република Македонија.

Носител на проектот е Здружението за развојни иницијативи -Геостратешки институт „Глобал“, во партнерство со општините вклучени во неговата реализација – Валандово, Кавадарци, Росоман, Аеродром, Дебар, Центар Жупа и Теарце.

Градоначалникот на Кавадарци Александар Панов во името на граѓаните на Кавадарци вели дека сите се почестени што карванот на спортското пријателство ќе појде од градот на грозјето, виното никелот и автомобилската индустрија. Иако е град со етнички чисто население, сепак добронамерноста и традиционалното гостопримство се доволна причина децата од Македонија без оглед на националната и верска припадност да се чуствуваат како дома. Спортот е работа која во основа го има космополитизмот да зблиѓува, а не да раздвојува.

Покрај претседателот Иванов, во Кавадарци ќе биде присутен и амбасадорот на САД во Македонија, Пол Волерс.