Поплочен дворот на новата градинка, полочување и на улици

Во дворот на новата детска градинка се врши поставување на павер елементи на поголемиот дел од дворната површина, а на останатиот простор од дворот ќе биде извршено хортикултурно уредување.

Овој нов објект на детската градинка „Рада Поцева“ треба да згрижи околу 100 деца од предучилишна возраст. По нејзиното предавање во употреба општината очекува да се ублажи сегашниот недостиг од места во детската градинка.

Но крајната цел на општината е, во Кавадарци да се изгради нов објкет за згрижување на поголем број деца со што би се решил проблемот на недостиг на места во детската градинка - велат од прес службата на општина Кавадарци.

Со фугирањето на павер елементите, вчера заврши поплочувањето на дел од улицата „12 Другари“ во Ваташа. Поставени се бекатон коцки на вкупна површина од 1200м2 на улиците „12 Другари“ и спојот со ул. „Методи Џунов-Џико“ кај ул.„Калница“.

За оваа намена општина Кавадарци инвестираше вкупно 1.200.000 денари од кои средства во износ од 980.000 денари беа наменети за поплочување на улицата „Методи Џунов-Џико“, а останатите 280.000 денари за улицата „12 Другари“

Со овој зафат општина Кавадарци им излезе во пресрет на барањата на жителите на оваа улица.