Најубавиот момент за еден средношколец кој би требало да заврши само со убави спомени и сеќавања за добро дружење и незаборавни моменти се ближи. Неделава во Кавадарци ќе помине во знакот на матурските прослави. Ќе слават средношколците од трите средни училишта во градот.За матурантите најмногу се радуваат секако семесјтвото и најблиските, но нивната прослава е празник за сите нас. Матурантите заокружуваат уште една успешна генерација која секако одлучувајќи понатаму за својата професија или животна определба ќе бидат иднината за сите нас.

Но никогаш не е на одмет во пресрет на нивнта најлуда ноќ да се нагласи дека за да биде беспрекорно незаборавна мора да се почитуваат и основните правила и препораките да се внимава и да се почитува законот во смисла на јавниот ред и мир и сообраќајните прекршоци. Во таа цел навреме и годинава реагира ПС од ОН Кавадарци од каде отсекот за превенција денеска достави допис и едукативни флаери до сите средни училишта во градот. Во нив јасно стои дека кавадаречката Полиција апелира до сите матуранти да ги почитуваат законските прописи, а особено да се придружуваат кон одредбите од законот за прекршоци против јавниот ред и мир и законот за безбедност на патниот сообраќај.

За секоја регистрирана ваква појава, од страна на граѓаните да се известува Полицијата потенцираат од таму во дописот, воедно честитајќи им на матурантите со надеж дека прославата ќе ја поминат безбедно и во нај добар ред.Само за потсетување Не си фер ако загинеш на матура минатата година беше мотото на кампањата во пресрет на матурските прослави што ја реализираше Полицијата и даде одлични резултати.

На позитивна прослава надежните се надеваат и годинава и својот допис го завршуваат со пораката,матурската вечер и неколкуте после неа нека бидат најубавите во вашата младост и преоден чекор кон понатамошното ваше универзитетско образование. Уживајте, радувајте се, останете настрана од управување возила под дејство на алкохол, нарушувањата на јавниот ред и мир, тепачките, физичките напади.законските прописи и правилата во сообраќајот важат за сите, па и за матурантите.меѓутоа најважно и најдрагоцено од се е човечкиот живот.

Mилица Младенова

Додади коментар

▼