Во изминативе 24 часа во Тиквешијата се дијагностицирани осум нови случаи на корона вирус, потврдуваат од ЦЈЗ Кавадарци.

„Три лица се од Кавадарци, четири од Неготино и едно од Демир Капија.  Новите позитивни се на возраст од 3 до 81 година. Во неготинска градинка е дијагностицирано уште едно позитивно дете, а во изолација се ставени две негователки и 13 деца. Направена е целосна дезинфекција  во градинката. “ информира епидемиолог д-р Ристе Јовановски.

Во ковид одделот во кавадаречката болница во последните 24 часа се примени двајца нови пациенти, а еден е пренесен на инфективна клиника во Скопје поради влошена состојба. Од денеска одделот е проширен и има капацитет од 23 болнички кревети.

А.Д

Додади коментар

▼