За два дена на ковид одделот во кавадаречката болница се хоспитализирани 14 пациенти позитивни на корона вирус, поголем дел од нив на кислородна поддршка.

„Во тек на вчерашниот ден во Ковид центарот се сместени 79 пациенти, во стабилна општа состојба. Слободни се 16 болнички кревети“ информира утринава директорот на болницата, д-р Диме Коцев.

Вчера во Тиквешијата беа дијагностицирани 61 нов случај, од кои 40 во Кавадарци, 16 во Неготино и 5 во Демир Капија. Починаа две лица од Кавадарци  (50г и 62г) и едно лице од Неготино на 84 годишна возраст.

Во Кавадарци од почетокот на пандемијата има 4491 случаи, а  активни 722. Во Неготино од 1948 активни се 391, а во Демир Капија има активни 82 случаи. 

А.Д

Додади коментар

▼