Оваа година училишното звонче го означи почетокот на новата учебна година на 1-ви Октомври. Годинава ќе биде одбележана со нови предизвици, нови ризици и закани по здравјето и безбедноста на децата. Останува актуелно прашањето како децата навремено и безбедно да стигат до училиштето, да ја следат наставата и да се врата дома од училиштето.
Со почетокот на учебната година и период на берење на грозјето , фрекфенцијата на возилата и пешаците во градот се зголемува, а со тоа и потребата од дополнителна доза на внимателност од страна на сите учесници во сообраќајот , посебно во близина на училишта и градинки .
Затоа ОСБСП апелира до возачите: „Бидете внимателни, внимавајте на децата во сообраќајот и намалете ја брзината во близина на училишта и градинките. Внимавајте каде паркирате, затоа што неправилно паркираните возила ги прават децата не видливи во сообраќајот. Не заборавајте дека безбедноста на децата во сообраќајот е одговорност на возрасните!
Воедно ги потсетуваме родителите дека тие се огледало на кое децата секојдневно се огледуваат. Личниот пример кој родителите им го даваат на децата во сообраќајот треба да биде безусловно и целосно почитување на правилата и прописите во сообраќајот и на тој начин всушност континуирано да ги наведуваат децата да бидат безбедни и одговорни во сообраќајот.
Драги ученици , ви посакуваме успешна и безбердна учебна година. Нека првите ваши чекори во новата учебна година бидат здрави и безбедни.
Додади коментар