„Најодговорно тврдам дека нема никакво зголемување на данокот на имот “ - рече денеска на прес конференција градоначалникот на Кавадарци, Митко Јанчев, одговарајќи на обвинувањата од СДСМ и побара извинување, за како што рече изнесените дезинформации.

Јанчев ги повика граѓаните кои сметаат дека има некаква грешка во даночното решение да се обратат до општинсите служби и без трошоци грешките ќе се корегираат.

Од Службите на општината нагласија дека направено е усогласување на даночните решенија со фактичката состојба на имотот на граѓаните по имотни листови.

А.Д

Додади коментар

▼