Денешниот ден е уште еден од позначајните датуми од историја на нашиот град. ООУ „Страшо Пинџур“ и оваа година го одбележува Денот на својот патрон,Страшо Пинџур.
Во услови кои ги диктира новата реалност, со почитување на препораките и протоколите за заштита од Ковид-19, Патронот на училиштето годинава беше пригодно одбележан со положување свежо цвеќе пред бистата на Страшо Пинџур во ,,Паркот на револуцијата,,.
„ООУ „Страшо Пинџур“ е училиште во нашиот град, кое се карактеризира со посебен дух, училиште кое во континуитет е насочено кон подобрување на квалитетот на целокупното работење. Препознатливо по квалитетот на работа и образовни услуги кои ги нудиме на нашите ученици, по стручниот кадар кој го имаме и којшто постојано се усовршува, по стилот на менаџирање и водење на училиштето. Како резултат на ова освоивме многу награди, признанија и високи постигања на училиштето, наставниците и учениците во различни области“, истакна во својот поздравен говор директорката на училиштето „Страшо Пинџир“, Илинка Бакева.
Букет свежо цвеќе положија, Претседателот на Советот на Општина Кавадарци, претставници од Советот на Општина Кавадарци,пратеничката Даниела Колева.
Претставници од училиштето положија букет свежо цвеќе пред бистата на Страшо Пинџур која се наоѓа во,,Паркот на револуцијата,,. Вредните ученици на свој креативен начин ја изразија својата почит кон патронот Страшо Пинџур со пригодни литературни и ликовни творби, кои може да ги проследите во продолжение.
„Генерација што долго време ќе се памети во историјата на ООУ “Страшо Пинџур”Кавадарци. Генерација со ученици што постојано се залагаа да бидат секој ден се подобри и подобри. Генерација со ученици со огромен натпреварувачки дух, ученици со голема самодоверба и пожртвуваност за своето училиште-нивниот втор дом, ученици со желба да го промовираат своето училиште на најдобар начин. Благодарение на нив, на нивното учество на најразлични домашни и меѓународни натпревари, манифестации, за нашето училиште се слушна насекаде во нашата татковина.Благодарение на нив нашето училиште се вбројува меѓу најуспешните училишта“ велат од училиштето.
Од сите ученици во оваа генерација посебно ги издвојуваме учениците со покажани континуирани, исклучителни резултати постигнат успех на ученички натпревари, општински и регионални, во текот на стекнување на основното образование.
Тоа се учениците:
Првенец на генерацијата
Филип Попов -9а одд.-централно училиште
Трајан Попов-9 одд. ПОУ,,Страшо Пинџур,,с.Дреново
Учениците со покажани континуирани, исклучителни резултати постигнат успех на ученички натпревари, општински и регионални, во текот на стекнување на основното образование.
Матеа Мукаетова-9а одд.-централно училиште
Данка Стојкова-9а одд.-централно училиште
Стефан Мустеников-9б одд.-централно училиште
Александар Стојков-9а одд.-централно училиште
Ристе Стојанов-9 одд. ПОУ,,Страшо Пинцур,,с.Возарци
Директорката на училиштето Илинка Бакева ја цени и ја поздрави работата на колегите, а особено на оние колеги кои имаа јубилејна година на работа во училиштето. Им укажа на голема благодарност на наставниците - јубилејци, посакувајќи им ним и на сите вработени во училиштето добро здравје, среќа и понатамошен успех во нивната благородна работа.
Наставници кои имаа јубилејна година во областа на образованието: Техничкиот персонал во училиштето, веќе 10 години работи за да помогне во процесот и одржувањето на училишните простории.
За 10 години работа во училиштето беа наградени Софија Јосифова, Сашко Василев, Мимоза Крстева, а за 30 годишен јубилеј Славица Шемова.
Додади коментар